Rubrikat - Editorial | Revista Java

Fakt i kryer!

Vetëm pak orë pasi partia e Metës kaloi majtas, një parti e vogël e maxhorancës paraqiti me shpejtësi letrat në Komisionin Qëndror të Zgjedhjeve për t’i marrë LSI komisionerin që i takonte nga bashkëqeverisja katërvjeçare me PD. Gjithçka u krye brenda një harku të shkurtër kohor, aq sa opozita dhe ndërkombëtarët nuk patën kohë të bënin asgjë.

Me fjalë të tjera kjo quhet politikë e faktit të kryer. Një taktikë e vjetër e Berishës, sa edhe karriera e tij mbi njëzet vjeçare. Qysh prej kohësh që s’mbahen mend, kryeministri aktual, dikur president ose thjesht kryetar partie, ka...

A do lejohet deri në fund kjo KQZ?!

Vetëm disa sekonda pas mesnatës së 6 majit, kur përfundonte afati i dorëzimit të listave të kandidatëve për zgjedhjet e 23 qershorit, kamerat fiksuan një Njazi Kosovrasti që kapërcente me hap prej balerine derën e Komisionit Qëndror të Zgjedhjeve, duke u përpjekur të fshihte sa mundej çantën që mbante në dorë, që dukej qartë se s’kishte asgjë brenda. Të paktën jo dosjet voluminoze të kandidatëve. Edhe përgjigjet e Kosovrastit pas daljes nga KQZ ishin ato të një njeriu të zënë në faj. Përpiqej t’i shmangej pyetjeve dhe ulte sytë përdhe.

Në orët që pasuan, zërat se...

Kosovrasti, si alibi për pushtetmbajtjen

Për të gjithë natën, ndërsa të majtët prisnin agimin e ditës së premte për mbledhjen e Këshillit Bashkiak, ku do procedohej për shkarkimin e Kosovrastit, janë ndërruar bravat e sallës së mbledhjeve. Janë ndërruar password-et e kompjuterëve dhe zyra e protokollit, të nesërmen, nuk gjendej e hapur. Me një logjikë tipike shqiptare, kjo do të thotë se duke bërë gjëra të tilla, procesi i shkarkimit mund të shtyhet dhe më shumë se kaq, ai mund të kalojë në kalenda. Megjithatë, procesi është bërë. 31 Këshilltarë të së Majtës e kanë votuar shkarkimin e Kryetarit Kosovrasti. Në fakt, kjo...

KQZ, si pasqyrë e izolimit ndërkombëtar

Institucioni i zgjedhjeve vijon të jetë i bllokuar. Dorëheqja e tre anëtarëve të propozuar nga opozita, e ka futur de facto në kolaps KQZ, paçka se katër anëtarët e mbetur i mban në punë vetëm këmbëngulja proverbiale e kreut të qeverisë. Nuk ka ditë që një zyrtar i huaj, diplomat apo përfaqësues i institucioneve ndërkombëtare, të mos bëjnë një apel për zgjidhjen e kësaj krize të rrezikshme që qëndron mbi kryet e zgjedhjeve të 23 qershorit.

Komentet e fundit të ambasadorit amerikan Arvizu, i cili foli për një ribërje të KQZ, vijnë pas qëndrimit të fortë të SHBA kundër...

Asgjë e përjetshme

Na ishte njëherë... Kështu nisin zakonisht përrallat. Ato që përgjithësisht kanë fund të lumtur. Por jo të gjitha përrallat e kanë këtë luks. Sidomos ato të vërtetat. Megjithatë, vite më pas, do të tregohet si përrallë dhe tranzicioni i gjatë, i pakuptueshëm dhe i pamerituar shqiptar. Personazhi kryesor është natyrisht Ai. Sot Ai është i vetmuar. Eshtë i lodhur. Eshtë pa forcë, është i kapitur nga betejat e shumta që ka nisur, është i trembur nga makthet e shumta që e trazojnë netëve, është në ankth nga mëkatet e shumta që ka kryer dhe mbi të gjitha, është pa besim. Sepse dikur ka...

Mbret për 24 orë

Ka një lloj konsensusi për atë çfarë i solli Britanisë së Madhe Margaret Thatcher: një histori suksesi. E kanë dashur dhe urryer, por gjithësesi, më shumë e kanë dashur. E njëjta gjë mund të thuhet dhe për politikanë të tjerë të këtij kalibri, si Çurçilli po në Britaninë e Madhe, gjenerali De Gol në Francë apo Helmut Kohl në Gjermaninë, fillimisht të ndarë e pastaj të bashkuar edhe falë vizionit të tij. Janë personazhe të mëdhenj që kanë ndikuar fort në epokat e tyre, të pushtetshëm, të duartrokitur, nën shkëlqim dhe më pas, edhe në harrim gradual. Deri në ditën e vdekjes, kur...

Është mbytur sërish Shkodra!

Po ta shihje në studion e Top Story, po të dëgjoje hartimet sa naive, aq edhe bajate, që thurte për qeverinë, kryeministrin dhe mandatin katërvjeçar të partisë së vet, mund të mendoje fare lehtë se Jozefina Topalli ishte përfaqësuese e ndonjë vendi skandinav, ku gjërat funksionojnë “si nëpër filma”. Por ja që deputetja e qarkut të Shkodrës e kishte lënë të mbytur në ujë zonën e saj elektorale, para se të vinte në studion televizive. Mijëra hektarë të zonës së Nën Shkodrës dergjen nën ujë prej javësh, në një peizazh apokaliptik që përsëritet e përsëritet pafund.

Përtej...

Pse më pe shtrembër?!

Një djalë i ri, vetëm 17 vjeç, ka humbur jetën mbrëmjen e të enjtes në Tiranë. Gjergji Prenga nuk i ka mbijetuar plagëve që ka marrë, pas sulmit me leva dhe thika nga disa bashkëmoshatarë. Një fat pak a shumë të ngjashëm ka pasur edhe një tjetër i ri që ishte bashkë me të, i cili është plagosur rëndë. Ngjarja ka të gjitha detajet e një incidenti nga ato më banalët. Dy grupe të rinjsh janë fërkuar mëngjesin e asaj dite për arsye krejt të parëndësishme dhe kjo ka sjellë mesa duket edhe sherrin tragjik të darkës, kur një grup ka pritur në “pusi” grupin tjetër. Një nga ato ngjarje...

A duhet konsideruar më si “potencialisht opozitare” LSI?!

Prej javësh, edhe atëhere kur nga podiumi i PD nuk flet njeri, zyrtarët më të lartë të Lëvizjes Socialiste për Integrim nuk harrojnë të pickojnë Ramën dhe deputetët e tij, në lidhje me tre ligjet e pamiratuara ende nga Kuvendi. Jo vetëm aq. Çdo deklaratë apo nismë të kryeministrit dhe partisë së tij, merr brenda pak orësh mbështetjen e partnerit të vogël Meta. Kështu ndodhi për shembull me propozimin hileqar dhe të parealizueshëm të votës së 16 vjeçarëve, por edhe për nisma të tjera që janë përshëndetur rregullisht “nga jashtë” prej kësaj partie. Paralelisht me këtë suport të...

Sepse ti... pëlqehesh nga ne

Një nga personazhet e Kadaresë po ecën shumë në karrierë. Është i habitur sepse nuk ka askënd përbri, që mund t’i japë një shtysë. Nuk ka fis të njohur. Nuk ka ndonjë aftësi të veçantë. Kur pyet, përgjigja e eprorëve është e thjeshtë: “Sepse...sepse ti je...”.

Sepse sot, ashtu si në kohën e personazhit të Kadaresë, ai që duhet të bëj karrierë, ai që duhet të ketë mundësi më të mëdha, ai që duhet të jetojë normalisht në Shqipëri, duhet që të kapet diku. Rruga më e lehtë dihet. Të trokasë në një derë partie, nga ato që s’mbyllen asnjëherë, dhe të shprehë besnikërinë dhe...

Sa e ndryshme kjo fushatë

Në verën e vitit 2009 kryetari i opozitës shetiste nëpër Shqipëri me një botim voluminoz nën krah. Duhej të ishte programi elektoral i PS. Themi “duhej”, pasi ai tekst i stërzgjatur, plot pika e nënpika, anekse, prioritete e detaje të panevojshme, nuk u shpjegua kurrë në tërësinë e tij. Nuk dihet si do të kishte vajtur filli i fushatës nëse kjo do të kishte ndodhur, por e vërteta është se socialistët hynë në ato zgjedhje me një premisë programi, jo me program të vërtetë. Sot, katër vjet më vonë, duket se gjërat janë shumë ndryshe. Opozita e majtë ka ardhur në disa nga tezat e saj...

Ministri i policisë Sali dhe turshitë

Një domate e madhe turshi. Një gjysëm qepe e thatë. Shumë lakër e bardhë, gjithashtu turshi. Specat me gjizë nuk duken, por mishi i pjekur është i bollshëm. Një çifteli kalon dorë më dorë dhe raki, shumë, shumë raki. Kjo ishte menuja e tryezës së gostisë së katër krerëve të policisë së Republikës Folklorike shqiptare me të dyshuarin si ekzekutor të komisarit të policisë Dritan Lamaj. Një tryezë bukolike, e lumtur, e vetëkënaqur. Këta janë teorikisht njerëzit që duhet të luftojnë krimin dhe të mbrojnë qytetarin. Të imagjinohet një çast që aty, nga njëra dolli tek tjetra, në...

Hoxha ra, enverizmi në pushtet

Një sistem politik mund të përmbyset edhe brenda një ditënate. Sistemi ekonomik mund të ndryshojë edhe në disa stinë. Mentaliteti njerëzor, në rastin më të mirë do të paktën dy breza të kthejë fletën. Dy pjesët e para të pohimit, në rastin shqiptar dhe atë të gjithë ish-lindjes komuniste, rezultuan të sakta. Në pjesën e tretë, Shqipëria është sërish një përjashtim nga rregulli. Në vendet e lindjes komuniste, kryesisht për shkak të rotacionit të shpeshhershëm politik dhe ndryshimit të portreteve të individëve në pushtet, dekomunistizimi i tyre...

Nga Berisha 2 tek Berisha 1

Bahri Shaqiri nuk është më kryetar i SHISH. Siç e thotë edhe vetë edhe në kryeartikullin e këtij numrit të Java, ky ka qenë një lajm surprizë edhe për të. Natyrisht jo se nuk dihej “bezdia” e vjetër e kryeministrit ndaj tij, porse koha dhe mënyra e ekzekutimit të këtij zëvendësimi kanë shkaktuar shumë habi, përfshirë edhe tek vetë të interesuarit.

Me ikjen e Shaqirit nga SHISH, përmbyllet ndërhyrja e dytë e presidentit Bujar Nishani, për të kryer spostimet që maxhoranca kërkon prej kohësh në kokën e institucioneve të pavarura. Emërimi i zv.kryetarit të KLD pak ditë më parë...

6 gushti si pasqyrë e paaftësisë tonë

Pasnesër me shumë gjasë do të ketë sherr në Kuvend. Kjo nuk përbën lajm, sigurisht. Aty ka rregullisht sherr dhe thuajse kurrë zgjidhje, marrëveshje, kompromis. Kjo është e përditshmja e institucionit më të lartë të shtetit prej kohësh që s’mbahen mend. Më 6 gusht, pas dy ditësh, pozita dhe opozita do të debatojnë në lidhje me imunitetin. Por kujdes! Nuk do të diskutohet drafti kushtetues për heqjen e imunitetit, pasi për të është rënë dakort. Do të diskutohet, e me gjasë do të ketë grindje, për datën e votimit të këtij ndryshimi! Edhe kjo qe e tepërt. Mirë që nuk merren vesh...

Presidenti Nishani, gjykatësi Zeneli e të tjerë

Të enjten, Kuvendi i Shqipërisë prodhoi një lajm të mirë. Artan Zeneli, kryetar i Gjykatës së Tiranës u emërua antar i Gjykatës së Lartë. Një shumicë dërmuese deputetësh votoi dekretin e hershëm të ish-presidentit Bamir Topi. Katër vjet më parë, e njëjta shumicë qeverisëse në Kuvend, e kishte rrëzuar kandidaturën e Zenelit, thjesht dhe vetëm sepse ai u ndodh në vendin e gabuar, në momentin e gabuar dhe i dekretuar për të njëjtin pozicion, po nga politikani që PD e Berisha e konsideronin në vendin e gabuar, Bamir Topi.

Po të enjten, gjykata e Tiranës prodhoi një lajm të keq...

Kompromise të vjetra dhe të reja rreth kutisë

Seç po na kthehen ca kujtime të vjetra, teksa shohim kompromisin e fundit zgjedhor mes Berishës e Ramës. Magjistarët e pretenduar të opozitës, asokohe, talleshin hapur me shqetësimet e përsëritura të disa politikanëve të majtë si Gjinushi, rreth kurthit numerik ku po e fuste veten opozita, për shkak të sistemit zgjedhor dhe mënyrës sesi po organizohej infrastruktura e zgjedhjeve të 28 qershorit 2009.

Pjesën tjetër të historisë e dimë. KQZ e zgjedhur me konsensus nga të dyja palët veshi uniformë ushtarake dhe bllokoi procesin e verifikimit të zgjedhjeve, kurse sistemi...

Një përrallë me asfalt

Retorika e rrugëve të shtruara dhe butaforia e shifrave që lidhet me të, janë ndoshta aspekti më iluziv dhe i rrejshëm në katalogun e propagandës së qeverive të shtatë vjetëve të fundit. Qëkurse erdhi në pushtet në vitin 2005, kryeministri Berisha premtoi se brenda mandatit të parë katërvjeçar do të shtronte 4000 kilometra rrugë. Për ta pasur parasysh sadopak, kjo shifër është pak më e vogël se distanca mes Irlandës dhe bregut tjetër të Atlantikut. Pra, në katër vjet, qeveria shqiptare kishte bashkuar me asfalt thuajse gjithë Atlantikun!

Pas zgjedhjeve të vitit 2009,...

Privatizimi i historisë

Afrimi i 100 vjetorit të Pavarësisë së Shqipërisë po krijon një efekt të veçantë tek mjaft komponentë të shoqërisë shqiptare. Janë rizgjuar projektet historike, kulturore, aktivitetet nga më të ndryshmet. Është rikthyer një dëshirë e përgjithshme për të parë qartë dhe kuptuar edhe një herë nga e para momentin historik të shpalljes së pavarësisë, heronjtë e saj, faktorët që ndikuan dhe të vërtetat e fshehura deri dje.

Mund të thuhet se Pavarësia është kthyer në një sport kombëtar, ku shumëkush kërkon të gjejë diçka, të cilën rrjedha e viteve dhe peripecitë e panumërta...

Gjuhë kamaleoni

“Mos i merrni të gjitha seriozisht, ka qenë fushatë elektorale”. Kështu është përgjigjur Sali Berisha, në prani të Fatos Nanos, kur u pyet nga gazetarët sesi i konsideronte ato që kishte thënë për ish-armikun e tij historik. Kjo ka ndodhur në fillim të vitit 2007, kur Berisha dhe Nano shfaqeshin në publik së bashku, për t’i bërë presion opozitës gjatë asaj që u quajt kriza e çertifikatave zgjedhore.

Ky është vetëm njëri ndër qindra rastet kur politika bën kamaleonin, kur gjuha e politikanëve përdridhet në mënyrë spektakolare faqe publikut. Ja, shikoni për shembull...

Një nismë fisnike dhe një problem mesazhi

Ja një kauzë e drejtë për t’u përkrahur. Nisma e ambasadorit amerikan në Tiranë Aleksandër Arvizu e quajtur “Vepro tani”, për të nxitur përgjegjshmërinë qytetare në Shqipëri, është një ndër ato puhiza ajri të freskët, i cili është veçanërisht i mirëpritur në këtë të nxehtë të tmerrshëm vere. Muri i pesimizmit dhe i pasivitetit e ka ndarë në këto njëzet vjet Shqipërinë nga komuniteti i vendeve ku opinioni publik zbret në rrugë sapo ndjen një padrejtësi. Tentativa fisnike për ta ndryshuar këtë sëmundje endemike të shqiptarëve, përbën një akt të spikatur emancipues. Një gjest të...

Berisha-Meta, binomi i dashuri-urrejtjes

Politikani, diplomati dhe historiani Pëllumb Xhufi deklaronte pak ditë më parë se Ilir Meta është një figurë politike me sovranitet të kufizuar. Në këtë metaforë të gjetur, ai nisej nga parashtrimi logjik, se Meta nuk e ka më në dorë të marrë vendime për veten dhe partinë e tij, pasi kushtëzohet nga presioni i shumllojshëm i kryeministrit. Ndërkaq, përgjatë viteve të fundit, kemi vërejtur se varësia e Metës nga Berisha, është në fakt më shumë një ndërvarësi mes të dyve. E kushtëzon Berisha Metën duke i bërë lloj-lloj presionesh, e kjo është mëse e mundur. Por e kushtëzon edhe...

A është koha për një reformë të shtetit?

Jo pa të drejtë jemi zhgënjyer e pse jo, pështirosur, edhe një herë në këto zgjedhje të fundit presidenciale. Aspak për emrat e hedhur që na pëlqejnë ose jo, por sepse procesi, në bazën e tij, mbeti bizantin dhe hileqar. Pikërisht si pesë vjet më parë, kur u blenë vota, u hodhën emra fallco dhe u ndërtuan lloj-lloj skemash e pusish. Edhe një herë politika shqiptare ka shkelur mbi hapat e saj të vjetër, duke provuar se nuk ka asnjë dëshirë të mësojë nga gabimet, për të ndryshuar veten dhe sistemin.

E meqë jemi tek sistemi, duket tashmë e qartë si drita e diellit se njëzet...

Nga mushkat te skafet

Qeveria ka hedhur poshtë për të disatën herë një propozim që ka ardhur për heqjen e moratoriumit të mjeteve kundruese. Nisma e opozitës është rrëzuar në datë 29 maj me dhjetë votat e komisionit të sigurisë në Kuvend, duke sanksionuar edhe një herë më tepër vullnetin e palëvizshëm të kryeministrit për t’ua ndaluar detin shqiptarëve. I miratuar në vitin 2006, moratoriumi i skafeve ka pësuar një zbutje “hileqare” në vitin 2010, ku me amendimet e bëra, u hapej rruga të gjitha mjeteve lundruese të zotëruara nga zyrtarët shtetërorë. Tashmë ndalohet që të kenë një varkë private me motor...

...një urë e minuar!

“...ka minuar të drejtën e qytetarëve për të ndryshuar lirshëm qeverisjen e tyre...!” Çfarë mund të ketë tjetër përtej kësaj fraze fatale? Çfarë do ta deformonte thelbin e një demokracie më shumë sesa hedhja në erë e votës, mjetit të vetëm që e bën sovran qytetarin njëherë në katër vjet për të deleguar më pas pushtetin e tij tek një emër i vetëm, tek një parti e vetme apo koalicion partish? Në çfarë tjetër do të ndryshonte pluralizmi nga monizmi, sa kohë që vota dhe vetë pushteti që duhet të rrjedhë prej saj, përdhunohet dhe mbarset nga “incidente me mashtrime dhe numërim...

Sytë tek 13-ta

Të gjithë shohin 13-ën. Vitin 2013. Madje, një gjë të tillë e kanë bërë që në momentin e parë që mbaruan zgjedhjet e fundit të përgjithshme në 2009-ën. Ndodhi kështu sepse rezultati që doli, jo vetëm nuk bindi as fituesit dhe as humbësit, jo vetëm sepse u verifikuan deformime të votës dhe më pas, edhe kapërcime të saj në ngjyrë që prodhuan mandatin e dytë të zotit Berisha, por edhe sepse ekuilibret e brishtë të shifrave, afronin një peisazh të panatyrshëm politik. Pragmatizmi i të djeshmes që kapërcen moralin e zakontë të fjalës që thuhet dhe nuk mbahet, domosdoshmërisht kërkon...

Masa kritike e Presidentit

Duhen vota për të zgjedhur presidentin e ri të Shqipërisë. Jo më 84, siç thoshte Kushtetuta në momentin kur u zgjodh Bamir Topi, por “vetëm” 71. Masa kritike e votave është pakësuar, por duket se të panjohurat s’kanë të sosur në skenën tonë politike. Ekuacioni për zgjedhjen e kreut të shtetit është komplikuar dukshëm në orët e fundit, nga afrimi i papritur mes PS e LSI, të cilat duket se po përpiqen të dërgojnë në Pallatin e Brigadave një përfaqësues që nuk i përket PD.

Kjo kthesë e papritur duket se ka komplikuar një garë e cila varej deri më sot jo tek aritmetika,...

Triumfi i vogël i Presidentit të negociuar

Një kryetare e ngrysur e Kuvendit të Shqipërisë dëgjonte të enjten paradite, teksa komsioneri i zgjerimit për Bashkimin Europian Stefan Fyle, fliste për presidentin e ri të vendit. Në fjalën e tij para deputetëve, si dhe në takimet me Ramën e Berishën, komisioneri europian e tha qartë se procesi i zgjedhjes së kreut të shtetit duhet të avancojë përmes negociatave. “Jam i kënaqur që kemi arritur në dy pika të përbashkëta për këtë cështje (zgjedhjen e presidentit). E para, dëshiroj të them se kjo ka të bëjë me vendosmërinë e qeverisë, por nga ana tjetër dhe vendosmërinë që e mora...

Klinton-Berisha, para dhe pas kamerave

E zonja e shtëpisë vë buzën në gaz. Në krah të saj, i ftuari i radhës rrezaton kënaqësi majtas e djathtas, flet dhe qesh krejtësisht i ekzaltuar. Po jeton momentin që ka pritur prej vitesh. Kështu iu paraqitën shtypit të huaj dhe atij shqiptar, Sali Berisha e Hillari Klinton, të mërkurën, në orën 14 (ora lokale), para se të fillonin takimin 40 minutësh, të shoqëruar nga delegacionet përkatëse.

Ka qenë një takim për të cilin do të flitet gjatë në Tiranë. Edhe për faktin se pjesa më e rëndësishme e tij, ajo që u konsumua larg fleshit të aparateve fotografike, është me...

“Shengeni” selektiv i Greqisë

Dy gjyqtarë shqiptarë dhe prokurorët e çështjes ku është dënuar kreu i Omonias Naum Disho, janë ndaluar të hyjnë në territorin grek pak ditë më parë, në doganën Kapshticës. Është lejuar ndërkaq vetëm gjyqtari Stavri Kallço, i cili ka votuar për pafajësinë e Dishos. Selektim kirurgjikal, s’ke ç’thua. Ky është lajmi që kanë raportuar mediat gjatë kësaj jave. Duke mos harruar gjithashtu të venë në dukje sesi Ministria jonë e Punëve të Jashtme ka heshtur edhe një herë në mënyrë të turpshme për këtë përzgjedhje skandaloze të zyrtarëve të drejtësisë, nga doganierët e shtetit fqinj....

Search form